O grupo de investigación Xenómica e Biomedicina (GXB) da Universidade de Vigo é un equipo multidisciplinar constituído para afrontar con confianza novos e ambiciosos retos en investigación biomédica e xenómica.
O grupo GXB está actualmente coordinado por Diana Valverde, e inclúe cinco IPs adicionais: Carmen Rodríguez, Carlos Canchaya, Miguel Arenas, Iria Fernández-Silva e David Posada, xunto con postdoutorais, estudantes de posgrao e persoal técnico.
O GXB forma parte do Centro de Investigacións Biomédicas (CINBIO) na Universidade de Vigo, Centro Singular de Investigación da Xunta de Galicia.
A investigación do grupo GXB está actualmente financiada principalmente pola Universidade de Vigo, a Consellería de Cultura, Educación e Ordenación Universitaria da Xunta de Galicia, o Ministerio de Industria, Economía e Competitividade do Goberno de España, e a Unión Europea.